Guddoomiyaha Akademiyada Cilmiga, Dhaqanka iyo Suugaanta ayaa kulan is xog wareysi ah la qaatay Shaqaalaha Akademiyada.
Muqdisho August 26 2024; Guddoomiyaha Akademiyada Cilmiga, Dhaqanka iyo Suugaanta Mudane Ismaaciil Yuusuf Cusmaan ayaa kulan lagu dardar-gelinayo shaqada Akademiyada la qaatay dhammaan hawlwadeenada Akademiyada Cilmiga, Dhaqanka iyo Suugaanta.
Guddoomiyaha ayaa uga mahad-celiyay Agaasime waaxeedyada iyo dhammaan Shaqaalaha Akademiyada shaqada ay u hayaan Ummadda Soomaaliyeed isagoo kula dardaarmay in ay sii laba jibbaaraan hawlaha ay qaranka u hayaan.
Mundane Ismaaciil Yuusuf Cusmaan Guddoomiyaha Akademiyada Cilmiga, Dhaqanka iyo Suugaanta waxa uu sheegay in had iyo jeer uu diyaar u yahay sidii uu dhiirregelin u sameyn lahaa shaqaalaha Akademiyada. waxa uuna kula dardaarmay in ay sii wadaan hawlaha Cilmibaarista la xariirta ay wadaan qaar kamid ah Shaqaalaha Akademiyada.
DHAMMAAD Waaxda Warbaahinta iyo Xiriirka Dadweynaha ee Akademiyada Cilmiga, Dhaqanka iyo Suugaanta
