Waaxda Cilmibaarista Akademiyada Cilmiga, Dhaqanka iyo Suugaanta ayaa maanta soo bandhigay Cilmibaaris ay sameeyeen..
Muqdisho luulyo 29. 2024;
Guddoomiyaha Akademiyada Cilmiga, Dhaqanka iyo Suugaanta Mudane Ismaaciil Yuusuf Cusmaan ayaa ka qeyb galay bandhig Cilmibaariseed ay sameenayeen waaxda Cilmibaarista Akademiyada.
Mudane Cabdirisaaq Cabdirashiid iyo Marwo Caasho Cusmaan Maxmed oo labadooda ka tirsan waaxda Cilmibaarista ayaa soo jeediyay Cilmibaaris cinwaankeedu yahay Khatarta Caafimaad ee uu leeyahay Cayilka.
Dhammaan dadkii ku sugnaa Hoolka Cali Sugule oo ah halka lagu soo bandhigayay Cilmibaarista ayaa aad ugu riyaaqay Cilmibaaristan oo u muuqatay mid waqti la geliyay.
Guddoomiye Ismaaciil ayaa u mahad celiyay waaxda Cilmibaarista isaga oo la drdaarmay hawlwadeenada Akademiyada in ay soo diyaariyaan Cilmibaarisyo wax tar u leh bulshada Soomaaliyeed.
=DHAMMAAD= Waaxda Warbaahinta iyo Xiriirka Dadweynaha ee Akademiyada
